Երակային հիվանդություն

Երակների վարիկոզ լայնացումները (վարիկոզ)`  հաճախ հանդիպող պաթոլոգիական  պրոցես է, որի ժամանակ ախտահարվում են երակները, առաջանում»հանգույցներ»` ներ: Այս գործընթացների արդյունքում ի հայտ է գալիս երակների փականների աշխատանքի, ինչպես նաև   վերջույթների, կերակրափողի, փոքր կոնքի օրգանների, ուղիղ աղիքի արյան հոսքի խանգարում:

Ավելի հաճախ  հանդիպում են ստորին վերջույթների վարիկոզ լայնացումներ, որոնց դեպքում ի հայտ է գալիս ոտքերում ծանրության զգացում, մաշկի տակից երակներն են դուրս ցցվում, երակային ցանցեր  են ձևավորում, այտուցվում են ծնկներն ու ոտնաթաթերը, փոխվում է մաշկի գույնը և այլն:

«Օն Կլինիք-Անի» միջազգային բժշկական կենտրոնում օգտագործում են այս հիվանդության բուժման ժամանակակից մեթոդներ: Շնորհիվ այն բանի, որ մեր կլինիկան համալրված է նորագույն սարքավորումներով, վարիկոզ հիվանդությունը կարելի է բուժել առանց վիրահատական միջամտության` ամբուլատոր պայմաններում արդյունավետորեն վերացնելով ախտանշանները  սկլերոթերապիայի միջոցով:

Մենք օգտագործում ենք  ոչ տրավմատիկ միջոց վարիկոզ հիվանդության բուժման համար` երակների ներանոթային(էնդովասկուլյար) կոագուլյացիա(§եփում»): Այս ամենն իրականացվում է տեղային անզգայացմամբ`զուգահեռ ապահովելով հսկողության ուլտրաձայանային հետազոտությամբ: Պրոցեդուրայից առնվազն 2 ժամ հետո պացիենտը կարող է տուն գնալ:

Վարիկոզ հիվանդության բուժման ոչ ինվազիվ լազերային մեթոդի հիմնական առավելություններից են  կոսմետիկ և բժշկական բարձր արդյունքները և վերականգման կարճ ժամանակահատվածը:

Երակների վարիկոզ լայնացումները ինքնուրույն երբեք չեն բուժվի, և ավելին,     զարգանալով`կհանգեցնեն շատ լուրջ ու ծանր բարդությունների:

Վարիկոզի առավել տարածված բարդություններից են`

Երակային տրոմբոզը(ֆլեբոտրոմբոզ) վարիկոզի շատ լուրջ բարդություններից է, որը կտրուկ վատացնում է հիվանդի ընդհանուր վիճակը, իսկ երբեմն էլ թոքային արտերիայում թրոմբոէմբոլիայի  առաջացման պատճառով (թրոմբի տարանջատումը և հայտնվելը սրտում) հասցնում նրան կյանքի ու մահվան շեմին: Այս հիվանդության առաջացման հիմնական պատճառը հանդիսանում  է ժամանակին բժշկի չդիմելը կամ էլ բժշկի ցուցումներին չհետևելը:

Տրոմբոֆլեբիտը դա մակերեսային երակների բորբոքումն է: Մակերեսային տրոմբոֆլեբիտի ամենավտանգավոր  տարբերակը հանդիսանում է այսպես կոչված»վերընթաց տրոմբոֆլեբիտ»:  Այն զարգանում է ժամանակին բժշկի չդիմելու պատճառով և, շատ հաճախ, պահանջում է անհապաղ վիրահատական միջամտություն:

Տրոֆիկ խանգարումները և տրոֆիկ խոցերը բուժման բացակայության դեպքում վարիկոզ հիվանդության  անխուսափելի հետևանքներից են: Տրոֆիկ խոցերին բնորոշ են հյուսվածքների սնուցման խանգարումները, բորբոքային պրոցեսները, մաշկի  գույնի մգացումը`հետագայում տրոֆիկ խոցերի ձևավորմամբ(այսպիսի տրոֆիկ խոցերը դիմացկուն են բուժման հանդեպ, լավացման պրոցեսը շատ դանդաղ է ընթանում):

Վարիկոզ երակներից արյունահոսությունը լուրջ, իսկ երբեմն էլ կյանքի համար վտանգավոր, վարիկոզ հիվանդության բարդություննրից է: Բավականին երկար ժամանակ գոյություն ունեցող վարիկոզ երակների տարածքի վրայի մաշկը բարակում է և նույնիսկ ամենափոքր վնասվածքը կարող է բերել արյունահոսության առաջացման:

Որքան շուտ դիմեք  բժիշկ-ֆլեբոլոգի օգնությանը, այնքան ավելի արագ ու արդյունավետ կլուծվի խնդիրը: